VWA Fact Sheet

INTRODAKSEN

Everi sitisens mo residens blong Vanuatu oli gat raet blong liv long pis, hamoni mo long wan sekua envaeronmen. Humen raets long Vanuatu hemi minim se eni humen being we i bon long Vanuatu o eni narafala pat blong wol be hemi kam stap liv long Vanuatu oli gat humen raets blong laef long wol ia mo blong gat akses long olgeta besik sevises we Vanuatu Gavman i stap givim olsem klin wota tru long wota tank o wota saplae, kasem elektrisiti tru long solar o mein elektrisiti pawa, gat akses long telekomunikesen, helt sevises, rod infrastrakja, eapots, edukesen mo fulap narafala sevises we Vanuatu National Sustainable Development Plan o The People’s Plan 2030 i haelaetem.

CEDAW KONVENSEN

Vanuatu hemi saenem trifala United Nations’ Konvensens ia long 1995:
“Convention on the Elimination of all Forms of Discrimination against Women” (CEDAW) we Vanuatu Gavman i promes blong stopem olgeta diferen foms blong diskriminesen agensem olgeta woman; “Convention on the Rights of the Child” (CRC) we Vanuatu Gavman i promes blong lukaotem gud olgeta pikinini long kantri blong hem; mo“Convention on the Rights of People living with Disability” (CRPD) we Vanuatu i promes blong lukaotem gud olgeta nids blong olgeta sitisens blong hem we oli stap laef wetem disabiliti.

Olgeta konvensens ia oli givim Vanuatu Gavman bigfala responsibiliti blong lukaotem gud olgeta sitisens mo residents blong hem blong daonem mo stopem diskriminesen long olgeta woman long laef blong olgeta, moa tu long infomel mo fomel ples blong wok blong olgeta, lukaotem gud olgeta pikinini blong hem mo pipol we oli liv wetem disabiliti mo oferem gudfala mo basik humen raets sevises i go long ol sitisens blong hem.

WANEM HEMI HUMEN RAETS MO HUMEN RAETS ABYUS?

Humen raets hemi minim se taem wan man o woman hemi bon i kam long wol ia, hemi wan humen being mo yumi mas tritim hem wetem hona mo rispek nating sipos hemi bon gud o hemi bon wetem wan disabiliti. Eni man mo woman i no mas mekem wan samting blong spolem humen raets blong narafala humen being. “Domestik” o “fisikal abyus” hemi kamaot taem wan man o woman hemi kilim nogud narafala man o woman wetem han, leg, hed blong hem o hemi yusum eni narafala objeks. Yumi no mas tok swea long narafala [olsem mekem “vebol o emosenel abyus”], tok nogud o mekem kiaman toktok blong spolem reputesen blong wan man o woman [olsem “defemesen”] from ol fasin ia oli go agensem humen raets blong olgeta pipol ia.

Humen raets abyus i save hapen tu sipos wan man o woman hemi mekem nogud long wan peson long saed blong seks olsem hemi slip wetem wan yangfala gel o boe we hemi nogat 16 yias yet, o hemi fosem o repem wan man o woman blong mekem seks agensem tingting o wil blong man o woman.Eni man o woman we i tekem olgeta neked pija blong praevet pat o “ponografi” blong wan smol boe o smol gel mo i stap sendemaot igo long Internet o long Netwok blong hem, yumi singaotem fasin ia long Inglish se, “paedofils’. Yumi singaotem kaen abyus ia se olgeta “seksuel abyus”. Seksuel abyus i save inkludim tu olgeta mama, papa, unkel, antie, bubu woman, bubu man, sista, brata, kasin sista mo kasin brata we oli mekem seks wetem olgeta stret pikinini boe o gel blong olgeta, adopted pikinini boe o gel blong olgeta o stret mo adopted brata o sista blong olgeta we yumi singaotem se “insest”.

PLES BLONG MEKEM KOMPLEN MO KAREM HELP LONG HEM

Sipos yu kasem eni kaen humen raets abyus ia, yu save kontaktem olgeta pipol ia blong mekem wan ofisol komplen mo kontaktem:

Help long Port Vila

Jenny Viregagaru Ligo,
Chairlady, Women against Crime & Corruption, Saralana,
P O Box 3092, PORT VILA,
Tel: 5422844/7711099
we hemi responsibel blong toktok long Vanuatu Police olsem fes risponda blong halpem olgeta viktims blong eni kraem mo korapsen inkludim domestic mo fisikal vaelens;
Email: jviregagaru@gmail.com o womenagainstcrimeandcorruption@gmail.com

Merilyn Tahi, Director mo
Vola Matas-Kelekele, Legal Officer,
Vanuatu Women’s Centre,
Nambatu kolosap long Sun Production,
P O Box 1358, PORT VILA,
Tel: 25764/24000l – Fax: 22478
we hemi risponsibel blong halpem olgeta viktims blong domestik mo fisikal vaelens;
Email: nvwc@vanuatu.com

Lily Joel, Officer-in-Charge,
Family Protection Unit blong Vanuatu Police Force,
Main Police Station,
Private Mail Bag 9014, PORT VILA,
Tel: 22222 – Fax: 24336/22859
blong halpem olgeta viktims blong domestik mo fisikal vaelens;
Email: ljoel@vanuatu.gov.vu

Grem Bihu, Acting Officer-in-Charge,
Southern Command Police Station blong Vanuatu Police Force,
Private Mail Bag 9014, PORT VILA,
Tel: 22222 -Fax: 24336/22859
blong ripotem eni kriminel, domestik mo fisikal vaelens komplens;
Email: jnatenga@vanuatu.gov.vu o gbihu@vanuatu.gov.vu

Robson Iavro, Acting Commissioner of Police,
Vanuatu Police Headquarters, VANSEC House,
Private Mail Bag 9014, PORT VILA,
Tel:  26570/23157-Fax: 24336
blong ripotem eni kriminel, domestik mo fisikal vaelens komplens;
Email: compol@vanuatu.gov.vu

Help long Santo

Kathy Bani, Project Officer blong SANMA Women’s Counselling Centre kolosap long CNS,
P O Box 335, LUGANVILLE, Espiritu Santo,
Tel: 36157/36076
blong halpem olgeta viktims blong domestik mo fisikal vaelens;
Email: sanmacounselling@vanuatu.com.vu

Samson Sam, Officer-in-Charge, Northern Command Police Headquarters blong Vanuatu Police Force,
P O Box 118, LUGANVILLE, Espiritu Santo,
Tel: 36222/36723/36728-Fax: 36064
blong ripotem eni kriminel, domestik mo fisikal vaelens komplens;
Email: ssam@vanuatu.gov.vu